کشمیر پریمیئر لیگ کے لیے کھلاڑیوں کی رجسٹریشن کا آغاز

Muhammad Dastagir 20 Feb, 2021 سپورٹس

کراچی: کشمیر پریمیئر لیگ کے لیے کھلاڑیوں کی رجسٹریشن کا آغاز کر دیا گیا ہے۔شاہد آفریدی، بابر اعظم ،محمد حفیظ اور سرفراز احمد سمیت بطور آئیکون پلیئرز پہلے ہی لیگ کا حصہ بن چکے ہیں۔ کے پی ایل کے لیے پاکستانی انٹرنیشنل اور ڈومسیٹک پلیئرز کی رجسٹریشن کا آغاز کر دیا گیا۔ رجسٹریشن کیلئے کرکٹرز لیگ کی آفیشل ویب سائٹ پر جا کر خود کو رجسٹرڈ کر سکتے ہیں، رجسٹریشن کا عمل دس روز تک جاری رہے گا،جس کے بعد ڈرافٹنگ کا عمل شروع ہو گا، کرکٹرز کی رجسٹریشن کی آخری تاریخ یکم مارچ ہے۔کشمیر پریمئر لیگ 16 سے 27 مئی تک مظفر آباد میں کھیلی جائے گی، کے پی ایل میں مظفر آباد ٹائیگرز، میرپور رائلز، راولاکوٹ ہاکس، کوٹلی پینتھرز، باغ اسٹالینز اور اوور سیز واریئرز حصہ لیں گی۔