’ ٹائیگر3‘کیلئے شیرنی کی تیاری

Muhammad Dastagir 05 Mar, 2021 شوبز

ممبئی:اداکارہ کترینہ کیف نئی آنے والی فلم’ ٹائیگر3‘ کے لئے بہت پرجوش نظر آرہی ہیں۔ ایکشن سے بھرپور فلم کے لئے اداکارہ جنوبی کوریا کے سٹنٹ آرٹسٹ سے ٹریننگ لے رہی ہیں۔ بھارتی میڈیا کے مطابق فلم کی باقاعدہ شوٹنگ کا آغاز8 مار چ سے ہوگا۔ جس کے لئے سلمان خان اور کترینہ کیف بھرپور تیاریوں میں مصروف ہیں۔ رپورٹس کے مطابق کترینہ کیف کی ٹریننگ کے لئے جنوبی کوریا سے ماہر اسٹنٹ آرٹسٹ ممبئی پہنچ گیا ہے۔ جبکہ سلمان خان کے ساتھ جنوبی افریقا سے تعلق رکھنے والی اسٹنٹ ٹیم کام کرے گی۔ واضح رہے کہ سلمان خان اور کترینہ کیف اس سے قبل2012 اور 2017 میں ایکشن اور تھرل سے بھرپور فلم’ایک تھا ٹائیگر‘ اور ’ٹائیگر زندہ ہے‘ میں کام کرچکے ہیں۔