میگھن مارکل کے شاہی خاندان پرگھرکی باتیں پھیلانے کےالزامات

Muhammad Dastagir 05 Mar, 2021 عالمی

لندن:برطانیہ سے روٹھ کر اپنے شوہر شہزادہ ہیری کے ہمراہ امریکا منتقل ہونے والی میگھن مارکل نے الزام عائد کیا کہ ان کے سسر شہزادہ چارلس، ساس کمیلا پارکر اور بھابھی کیٹ مڈلٹن گھر کی باتیں میڈیا میں پھوڑتے تھے۔ میگھن مارکل نے برطانوی شاہی خاندان پر الزامات کی بارش کرتے ہوئے دعوی کیا کہ گرے سوٹ میں ملبوس لوگ محل میں ان کا جینا دوبھر کرنا چاہتے تھے۔میگھن مارکل اور شہزادہ ہیری کا دل کھول کر رکھنے والا انٹرویو امریکا میں اتوار کو نشر کیا جائے گا۔ خیال رہے کہ چند روز قبل شہزادہ ہیری نے بھی ایک انٹرویو کے دوران برطانوی میڈیا کو گھٹیا قرار دیتے ہوئے کہا تھا کہ برطانوی میڈیا مجھے ذہنی مریض بنانا چاہتا تھا۔