ایمازون جنگلات کی کٹائی،فیس بک پرمہنگے داموں فروخت

Muhammad Dastagir 27 Feb, 2021 عالمی

برازیل کے معروف ایمازون جنگلات میں درختوں کی کٹائی کے بعد فیس بک پر غیر قانونی پلاٹوں کی خریدو فروخت کا انکشاف ہوا ہے۔ برطانوی نشریاتی ادارے بی بی سی کے مطابق آگ لگانے والوں کی جانب سے ایمازون کی جنگلات میں مختلف مقامات پر درختوں کو پہلے آگ لگائی جاتی ہے اور پھر زمینوں کو ہموار کر کے پلاٹننگ کی جاتی ہے اور پھر ان پلاٹوں کو فیس بک پر مہنگے دام فروخت کیا جاتا ہے۔ رپورٹ کے مطابق ایمازون کے محفوظ علاقوں میں مقامی جنگلات اور مقامی لوگوں کے لیے مختص اراضی پر اگے درختوں کی کٹائی اور ان کی فیس بک پر خریدو فروخت کا سلسلہ جاری ہے۔