پاک بھارت ایل اوسی پرجنگ بندی،اقوام متحدہ،امریکا کاخیرمقدم

Muhammad Dastagir 26 Feb, 2021 عالمی

واشنگٹن:پاکستان اور بھارت کے درمیان ایل او سی پر جنگ بندی کا امریکا نے خیر مقدم کیا ہے، اقوام ِمتحدہ کے سیکرٹری جنرل نے بھی جنگ بندی معاہدے کو مثبت قدم قرار دیا ہے۔پاک بھارت ایل او سی پر سیز فائر کی بحالی پر اقوام متحدہ اور امریکا کا خیر مقدم، سیکرٹری جنرل انتونیوگوتریس نے ایل اوسی جنگ بندی معاہدے سے متعلق دونوں ممالک کی جانب سے جاری مشترکہ بیان کو حوصلہ افزا قرار دیا۔ انتونیوگوتریس نے مزید کہا کہ امید ہے دونوں ممالک میں بات چیت کی راہ ہموار ہو گی، پاکستان اور بھارت میں جنگ بندی معاہدہ مثبت قدم ہے۔ امریکہ کی جانب سے بھی جنوبی ایشیا میں اہم پیش رفت پر مثبت ردعمل کا اظہار کیا گیا، وائٹ ہاؤس نے لائن آف کنٹرول پر سیز فائر پر بیان دیتے ہوئے کہا کہ سیز فائر جنوبی ایشیا میں دیرپا امن کی جانب سنجیدہ اقدام ہے۔