جمعرات کو ملک بھر میں پٹرول پمپس کی ہڑتال کا اعلان

لاہور(اردو ویب نیوز)آل پاکستان پیٹرول پمپس ڈیلرز ایسوسی ایشن نے مطالبات پورے نہ ہونے پر ایک بار پھر ہڑتال کا اعلان کرتے ہوئے کہا ہے کہ 25 نومبر بروز جمعرات کو ملک بھر میں پیٹرول پمس بند رہیں گے۔ آل پاکستان پیٹرول پمپس ڈیلرز ایسوسی ایشن کے مرکزی رہنما ماجد انصاری کا کہنا ہے حکومت کی جانب سے مطالبات تسلیم کرنے کی یقین دہانی کی بنیاد پر 5 نومبر کے لیے دی جانے والی ہڑتال کی کال واپس لی تھی۔ تاہم حکومت نے ابھی تک ہمارے مطالبات پر کوئی عمل درآمد نہیں کیا جس کے بعد اب دوبارہ 25 نومبر کو ہڑتال کا اعلان کیا ہے۔