لاہور(اردو ویب نیوز)لاہور ہائیکورٹ نے سموگ کےباعث حکومت کو نجی دفاتر میں 50 فیصد سٹاف کے ساتھ کام کرنے کا نوٹیفکیشن جاری کرنے کی ہدایت کردی۔ لاہور ہائیکورٹ کے جسٹس شاہد کریم نے شیراز ذکا ایڈووکیٹ اور دیگر کی درخواستوں پر سماعت کی جس دوران جوڈیشل واٹر کمیشن نے عدالت میں اسموگ ایمرجنسی پلان پیش کیا۔ جوڈیشل واٹر کمیشن نے 500 سے زائد ائیر کوالٹی انڈیکس والے علاقوں میں تمام صنعتی یونٹس بند کرنے کی بھی سفارش کی۔