صدر پاکستان کے بعد وزیر خارجہ کی بھی تحریک طالبان کو بڑی پیشکش

اسلام آباد(اردو ویب نیوز)وزیر خارجہ شاہ محمود قریشی نے کہا ہے کہ اگر تحریک طالبان پاکستان دہشتگردی میں ملوث نہ ہونے کا وعدہ کرے اور پاکستان کا آئین تسلیم کرے تو پاکستان انھیں معافی دینے پر غور کرنے کے لیے تیار ہے۔ وزیر خارجہ شاہ محمود قریشی کا بیان صدر عارف علوی کی جانب سے پاکستان کے نجی چینل ڈان نیوز کو دیے گئے انٹرویو کے کچھ روز بعد سامنے آیا ہے۔ اپنے انٹرویو میں صدر عارف علوی نے کہا تھا کہ حکومت کالعدم ٹی ٹی پی کے ان افراد کو ایمنسٹی دینے کا سوچ سکتی ہے جو ہتھیار ڈال کر پاکستانی آئین کو تسلیم کریں اور وہ جرائم میں ملوث نہ ہوں۔