عمران خان اور جہانگیر ترین میں دوریاں مٹنے لگی،جلد ملاقات

Muhammad Dastagir 21 Apr, 2021 عالمی

لاہور: پی ٹی آئی کے رکن قومی اسمبلی راجہ ریاض نے انکشاف کیا ہےکہ وزیراعظم عمران خان اور جہانگیر ترین کے ٹوٹے ہوئے رابطے بحال ہوگئے ہیں۔ نجی ٹی وی جیونیوز کے ایک پروگرام میں گفتگو کرتے ہوئے راجہ ریاض نے انکشاف کیا کہ اگلے چند روز میں وزیراعظم سے جہانگیر ترین کی ملاقات ہوگی۔انہوں نے کہا کہ اسی سلسلے میں افطار ڈنر کو بھی مؤخر کیا گیا ہے، اگلے چند دنوں میں دیکھیں گے کہ جہانگیر ترین اور وزیراعظم کی ملاقات ہوگی، یقین ہے بہت سے معاملات طے پاجائیں گے اور بہت چیزیں سیٹل ہوجائیں گی۔ راجہ ریاض کا کہنا تھا کہ ہم سمجھتے ہیں کہ جہانگیر ترین کے ساتھ انصاف نہیں ہورہا اور ہم یہ تمام چیزیں وزیراعظم کے گوش گزار کریں گے، پوری امید ہے جب وزیراعظم کو اصل حقائق کا پتا چلے گا تو امید ہے بہت بڑا ریلیف اس ملاقات میں ہمیں ملے گا۔ انہوں نے مزید کہا کہ ان کے پاس تینوں ایف آئی آر ہیں اور کسی میں لفظ شوگر نہیں لکھا ہوا۔ واضح رہےکہ گزشتہ دنوں جہانگیر ترین کی عدالت میں پیشی کے موقع پر پی ٹی آئی کے رکن قومی اسمبلی راجہ ریاض نے کہا تھا کہ عمران خان صاحب بات کو آگے نہ بڑھائیں۔