کوروناکاپھیلاؤ، آٹھویں تک تعلیمی ادارے عید تک بند رکھنے کا فیصلہ

Muhammad Dastagir 18 Apr, 2021 عالمی

اسلام آباد:وفاقی حکومت نے کورونا وائرس کے پھیلاؤ کے پیش نظر آٹھویں تک تعلیمی ادارے عید تک بند رکھنے کا فیصلہ کرلیا۔ وفاقی وزیرتعلیم شفقت محمود کی زیرصدارت ہونے والے بین الصوبائی وزرائے تعلیم کے اجلاس ملک میں کورونا کی صورت حال کا جائزہ لیا گیا۔ اجلاس میں کورونا وبا کے باعث پہلی سے آٹھویں جماعت تک تعلیمی ادارے عید تک بند رکھنے کا فیصلہ کیا گیا۔ وفاقی وزیر شفقت محمود نے کہا کہ متاثرہ اضلاع میں نویں سے بارہویں تک کی کلاسز ایک دن چھوڑ کر لی جائیں گی تاکہ طلبہ بورڈ کے امتحانات کی تیاری کر سکیں۔ شفقت محمود نے کہا کہ نویں سے بارہویں جماعت تک امتحانات مئی کے آخری ہفتے سے پہلے نہیں ہوں گے۔