کوسووو:38 سالہ وکیل فیوزا عثمانی ملک کی نئی صدر منتخب

Muhammad Dastagir 06 Apr, 2021 عالمی

پریسٹینا: اقوام متحدہ کے زیر انتظام جنوبی سربیائی ملک کوسووو کی پارلیمنٹ نے 38 سالہ وکیل اور سیاسی رہنما فیوزا عثمانی کو ملک کا نیا صدر منتخب کر لیا ہے۔ عالمی خبر رساں ادارے کے بعد گزشتہ برس نومبر میں صدر ہاشم تھاچی کے سبکدوش ہوجانے کے بعد کوسووو کی پارلیمنٹ نے اصلاح پسند خاتون سیاسی رہنما اور سابق اسپیکر اسمبلی فیوزا عثمانی کو نیا صدر منتخب کرلیا ہے۔ پارلیمنٹ میں فیوزا عثمانی کو وزیراعظم البین کورتی اور ان کی جماعت کی حمایت کے باعث 71 ووٹ ملے جب کہ دو اپوزیشن جماعتوں اور ایک سربیا کی نسلی چھوٹی جماعت نے بائیکاٹ کیا تھا جس کی وجہ سے 120 کے پارلیمان میں 82 ارکان ووٹنگ کے وقت موجود تھے۔یوزا عثمانی کوسووو کی منتخب ہونے والی پہلی خاتون صدر نہیں اس سے قبل عاطفہ یحی آغا 2011 سے 2016 کے درمیان ملک کی صدر کی حیثیت سے خدمات انجام دے چکی ہیں۔ واضح رہے کہ سابق صدر ہاشم تھاچی نے جنگی جرائم کے الزامات عائد کیے جانے کے بعد گزشتہ برس نومبر میں اپنے عہدے سے استعفی دینے پر مجبور ہوگئے تھے جس کے بعد سے یہ عہدہ خالی پڑا تھا۔