چین سے 5 لاکھ سنگل ڈوزویکسینز آج پاکستان پہنچیں گی

Muhammad Dastagir 31 Mar, 2021 عالمی

اسلام آباد:چین سے مزید 5 لاکھ کورونا ویکسین کی خوراکیں آج پاکستان پہنچ جائیں گی۔ ذرائع کے مطابق صوبوں اور دیگر وفاقی اکائیوں کو بھی سنگل ڈوز ویکسین کی فراہمی کا آغاز ہو گیا ہے، حکام کے مطابق سنگل ڈوز چینی ویکسین صرف 80 سال سے زائد عمر کے افراد کو لگائی جائے گی۔ معاون خصوصی برائے صحت ڈاکٹر فیصل سلطان نے واضح کیا ہے کہ ویکسین خریدنے کے لیے کسی صوبے کو این او سی کی ضرورت نہیں ہے۔ خیال رہے کہ گزشتہ روز سنگل ڈوز چینی ویکسین کونوی ڈیشیا کی 60 ہزار خوراکوں پر مشتمل پہلی کھیپ اسلام آباد پہنچی تھی۔ دوسری جانب 50 سے 60 سال تک کے افراد کے لیے کورونا ویکسین کی رجسٹریشن کا عمل جاری ہے۔