خون جمادینے والی سردی،امریکی ریاست ٹیکساس میں 111 افراد ہلاک

Muhammad Dastagir 27 Mar, 2021 عالمی

نیو یارک:امریکی ریاست ٹیکساس میں شدید سردی اور موسم سرما کے طوفان کے باعث 111 افراد ہلاک ہو چکے ہیں۔ٹیکساس کے محکمہ صحت کے مطابق بیشتر افراد سخت سردی کے باعث کانپنے سے مر گئے کیونکہ ان کے پاس سردی سے بچاؤ کے مناسب انتظامات نہیں تھے۔ ریاست ٹیکساس کے حکام کا کہنا ہے کہ گزشتہ ماہ فروری میں پڑنے والی سخت ترین سردی سے ہلاک افراد سے متعلق ابھی مزید اعداد و شمار اکٹھے کئے جا رہے ہیں۔ امکان ہے کہ مرنے والوں کی تعداد مزید بڑھ سکتی ہے۔ محکمہ صحت کے مطابق سردی کی شدت میں غیر معمولی اضافے کے باعث 40 لاکھ شہری بجلی اور پینے کے صاف پانی سے محروم رہے جس کے باعث ہلاکتوں کی تعداد میں اضافہ ہوا۔ غیر یقینی طور پر شدید سردی کے باعث ٹیکساس کی ہمسایہ ریاستوں الباما، ارکنساس، کنٹکی، اوکلوہاما اور ٹینیزی میں بھی صورتحال انتہائی خراب ہے۔