شہزادہ ہیری نے شاہی محل سے دستبرداری کے بعدنوکری کرلی

Muhammad Dastagir 25 Mar, 2021 عالمی

سان فرانسسكو: شاہی محل سے دستبرداری کے بعد شہزادہ ہیری امریکی کوچنگ فرم ’بیٹراپ‘ میں چیف امپیکٹ آفیسرکا عہدہ سنبھالیں گے۔ برطانوی نشریاتی ادارے کے مطابق شاہی محل سے دستبرداری کے بعد شہزادہ ہیری اوران کی اہلیہ میگھن مارکل امریکا میں قیام پزیر ہیں۔ اب شہزادہ ہیری امریکا میں ذہنی صحت پر کام کرنے والی کمپنی ‘بیٹر اپ’ میں نوکری کریں گے جہاں ان کا عہدہ چیف اپمیکٹ آفیسر ہوگا۔ اس متعلق شہزادہ ہیری نے کہا کہ نئی ذمہ داریوں سے متعلق وہ بہت پر امید اور پرجوش ہیں، اس نئے عہدے کا مقصد ذہنی صحت سے متعلق ضروری اقدامات کو اجاگر کرنے سمیت سازگار ماحول والی کمیونیٹی کے قیام اورحساس موضوعات پر بات چیت کے لیے ماحول کو فروغ دینا ہے۔ دوسری جانب سے ’بیٹراپ‘ کمپنی کے سی ای او نے وال اسٹریٹ جرنل کوبتایا کہ شہزادہ ہیری براہ راست ان کورپورٹ نہیں کریں گے اور نہ ہی وہ ملازمین کا انتظام سنبھالیں گے تاہم حالات بہتر ہونے پر وہ کمپنی کے سان فرانسسکو ہیڈکوارٹر میں کچھ وقت گزارسکتے ہیں۔